من أربعين سنة تقريبا
………………………….
رمش حبيبي
…..بقلم الشاعر محمد البنا
اللي جرالنا
لا كان على بالنا ولا ع الخاطر
رمش شغلنا وغيّر حالنا
ف لحظة وسافر
ولا على بالهُ شغلنا بإيه
ولا على بال الحلوة عنيه
ولا علّمنا هنعمل إيه
عدّى وسلم
سلم قلبي قوام لهواه
جيت اتكلم
خد من قلبي وروحي معاه
سابني أتألم
ولا علّمني إزاي انساه
ولا على باله شبكنا بإيه
ولا على بال الحلوة عنيه
حلو.. حلاوته ماهيش على حد
سحر جماله مالهوش حد
بس دلاله…فاق الحد
آه لو قال للقلب بحبك
آه لو باح
آه لو قاللي أنا طمّن قلبك
لحظة وراح
كان القلب ساعتها ارتاح
Discussion about this post